Hari ng Tondo - Gloc-9 Feat. Denise

a. Pagsusuri sa Pamagat
- Alam natin na ang Tondo ay isa sa mga lugar kung saan laganap ang maraming krimen at kilala natin ang tao roon ay mga basagulero, laging napapaaway at hirap sa buhay. Kaya't kapag naririnig natin ang "Hari ng Tondo" naiisip natin ang lider ng mga taong basagulero at laging nasasangkot sa mga gulo o krimen.

b. Pagkilala sa Awtor
- Si Aristotle Pollisco o mas kilala natin sa pangalang "Gloc-9" ay ipinaganak noong Oktubre 18, 1977. Kilala siya sa kanyang mga pinasikat na kantang Lando, Upuan, Walang Natira, Hari ng Tondo, Sirena at mrami pang iba. Hinangaan natin siya sa kanyang talento sa pagsulat ng awit at sa bilis ng kanyang pagsasalita. Maraming humahanga sa kanyang mga awit dahil ito ay salamin sa buhay ng lahat.

c. Pagsusuri sa Tagpuan
-Inilarawan niya ang Maynila na sa unang tingin animo'y isang mapayapang lugar ngunit sa likod nito, hindi natin napapansin ang mga pangyayari, krimen at iba't ibang transaksyon na na nagaganap dito at lingid sa kaalaman ng lahat lalo na ng pamahalaan.

d. Paglalarawan sa Tauhan
- Inilalrawan niya ang mga taong takot sa mga may kapangyarihan at takot ilahadang mga nasasaksihang krimen dahil inaalala nila ang mga maaaring mangyari sa kanila at sa mga taong nakapaligid sa kanila. Ang mga taong inaabuso ang kapangyarihan at gumagawa ng masama sa lipunan at sa kapwa. At ang mga taong pinipiling gumawa ng masama at kumapit sa patalim kumita lamang ng pera at makaraos lamang sa isang araw.

e. Pagsusuri sa Paksa
- Ito ay tumutukoy sa naging buhay ni Asiong Salonga na naging buhay na rin ngayon ng bawat isa sa atin at naging daan upang ilahad din ang talamak na krimeng nagaganap dito sa ating pamahalaan.

f. Pagsulat ng Sariling Reaksyon
- Ang kantang "Hari ng Tondo" ang kantang para sa atin ay hindi laging napapansin ngunit kung susuriin, ang mensahe nito ay tumutukoy sa realidad na hindi natin nakikita at naoobserbahan lalo na ng pamahalaan. Iminumulat nito ang ating mga mata na dapat pantay-pantay lamang ang pagtingin sa kapwa at dapat mas piliing gumawa ng tama at huwag ipagpapalit kailanman ang dignidad at prinsipyo para sa sariling pangangailangan.

       
                                              " Pagkaing Pinoy "


             Marami sa ating mga Pinoy ang pumupunta pa sa ibang bansa upang makatikim ng mga bagong pagkain. Ngunit agad din silang bumabalik dahil hinahanap-hanap agad nila ang panlasang Pinoy. Pati ang mga dayuhan ay kung naghahanap ng magandang bakasyunan, sa Pilipinas pinipiling pumunta dahil bukod sa magagandang tanawin ay kakaiba rin daw ang mga pagkaing Pinoy. Ano nga ba ang sikreto ng mga Pinoy upang makagawa ng masustansya at ubod ng sarap na mga pagkain?

          Sabi nila, ang pagkaing Pinoy daw ay natuklasan sa pamamagitan ng malikhaing pag-iisip at imahinasyon ng mga Pilipino. Minsan sa mga limitadong kasangkapan, nakakagawa na tayo ng panibagong pagkain. Ganyan kagaling ang mga Pinoy. Minsan naman ay kusa na lamang itong nadidiskubre sa hindi inaasahang pagkakataon o di kaya ay sa mga pagkakataong kinakailangan nating makaraos sa bawat araw. At ang iba namang pagkaing Pinoy ay nagmula sa ating mga ninuno o mga dayuhang sumakop sa atin sa loob ng mahabang panahon.

         Madalas ang mga pagkaing Pinoy na inihahain natin ay nakaayon sa mga okasyon. May pagkain para sa mga pista tulad ng Lechon, Lumpia , Mga pagkaing may sarsa, inihaw, at marami pang iba. Mga handa sa kaarawan, pasko at bagong taon tulad ng spaghetti, pansit, shanghai, cake, salad , fried chicken ice cream at marami pang iba.

        Masarap makarinig ng papuri mula sa mga banyagang nagtutungo dito sa ating bansa. Masarap sa pakiramdam na may nagbibigay-halaga sa ganda ng ating bansa. Kaya para mapanatili ito, tangkilikin natin ang pagkaing Pinoy at patuloy itong ipakilala at ipalaganap ang isa sa mayamang kultura ng Pilipinas.

       "Wikang Filipino : Nakalimutan na ba natin ito? "   

        Musikang Ingles, Pagsusulat ng Ingles, at pananalitang Ingles, iyan na ang tinatangkilik nating mga Pilipino. Mas alama pa natin ang musikang banyaga  kaysa sa ating sariling OPM songs. Mas pinipili nating magsulat ng salitang Ingles dahil katwiran ng ilan, may ibang mga salita sa wikang Ingles ang hindi kayayng isalin sa wikang Filipino.At pananalitang Ingles na ang mas nais bigkasin o gamitin sa pakikipagtalastasan sa mga banyaga at makibagay sa mga socialites

             Sa kasalukuyang panahon , kahit saan ka man tumingin, makikita mo ang iba't ibang malalaki at magagarang gusali. Sa loob nito ay ang mga taong kung hindi mo pa titigan ng mabuti, hindi mo aakalaing Pilipino dahil sa kanilang pananamit at ang kanilang pananalitang Ingles.

             Sa mga istasyon ng radio, lagi tayong nangunguna sa bawat nauusong mga banyagang kanta ngunit ni “Hymno ng NCR”, hindi natin alam.Marahil hindi tayo nagiging alerto sa mga bagay na gingawa natin. Mas iniisip natin ang pansariling kagustuhan at kaligayahan kaysa sa mga bagay na mas mahalagang iambag sa ating wika at bansa. Ngayon palang isipin na natin ang mga epejto ng bawat kilos natin at timbangin natin ang mas mahalaga, sarili o bayan?

            Hindi tayo bulag upang hindi makita, hindi tayo bingi upang hindi marinig ang mga bagay na unti-unting nakakapagpabagsak sa ating sariling wika. Nakakalungkot isipin na tayo mismong mga Pilipino ay hinahayaang mangyari ang lahat ng ito. Hindi natin kailangan ng mga sinumang tagapayo o diktador upang laging magpaalala sa atin na mali na ang ating mga ginagawa. Tayo ay may sariling isip at kusa na sumuri sa ting mga kinikilos. Sana'y matuto na tayo. Dahil hindi makamtan ng Pilipinas ang minimithing pagbabago at tagumpay kung wala ang ating kooperasyon. Itayo natin ang ating wika at huwag magpasakop sa mga banyagang salita. 

                           "Tradisyon Sa Pilipinas"

       Kung mga kapistahan lamang ang pag-uusapan, angat na talaga ang Pilipinas diyan dahil kahit saang lalawigan sa ating bansa ay may kani-kaniyang pagdiriwang ng kapistahan ng santo,o di kaya'y selebrasyon ng pundasyon ng mga barrio o bayan. May iab rin na ipinagdiriwang ang iba't ibang likas na yaman meron sa kanilang lugar tulad ng prutas, gulay, isda at marami pang iba.

      Ang ilan sa mga sikat na kapistahan dito sa Pilipinas ay Ati-atihan Festival, Pahiyas Festival , Pinagbenga Festival, Dinagyang Festival, Bangus Festival, Tuna Festival, Maskara Festival, at marami pang iba. May kani-kaniyang araw o petsa rin ang pagdiriwang ng kapistahan sa bawat bayan. Kamakailan lang ay ipinagdiwang natin ang kapistahan ng Poong Itim na Nazareno noong Enero 9 na kung saan dinagsa ng milyun-milyong deboto ang dumagsa roon.

      Talagang kahanga-hanga ang mga Pilipino sa usaping tradisyon, kultura, at paniniwala. Bawat pagpapalang naibibigay sa atin ay ibinabalik din natin sa paraang pagbibigay papuri o pagkilala tulad ng pagdiriwang ng mga kapistahan. Dahil para sa atin , patuloy ang pagdating ng mga biyaya kung maisasagawa natin ang mga ito. Hanggang sa ngayon, ay hindi pa rin nawawala ang mga paniniwalang itong mga Pilipino at nais ko sanang patuloy itong lumago at hindi mawal sa pagdaan ng panahon. 

Buksan ang 'yong isip , Sa ganda ng 'Pinas

O, bayang sinilangan

Ganda mo'y 'di ko man lang naramdaman,

Pagka't noo'y musmos pa lamang

Na hindi binigyang-halaga  ,

Ang tunay na ganda ng aking bayan.

Ngunit ano't hindi pa mapagtanto

Ng tulad kong unti-unti nang natututo

Ako lang ba'y nagbubulag-bulagan

sa aking mga napupuna?

Tulad niyo rin akong noo'y nahirapan

Sa pagpili sa alinman,

Ang manatili sa sulok ng kamangmangan,

O maglakbay at alamin ang mahika 

Ng aking bayan?

Hinayaan ko na lang ang sarili,

Maglakbay gamit ang isip

Sa tulong ng kaalaman at karanasan
Unti-unting natuklasan ang halaga ng bayan .

Ako'y 'di nagkamali ,

Sa landas na piniling tahakin ,

Kaya't nasambit na lamang sa sarili,
Masaya ako't tunay ko ng maipapagmamalaki,
kung anong bayan mayroon ako. 

Ang sarap isiping,

Sa kabila ng hirap at suliranin

Nananatili pa rin mahusay at matagumpay 

Ang ating lupang binigyang-buhay.

Kaya't ikaw,

huwag kang makuntento,

Sa kaalamang natatamo.

Patunayan mong isa kang Pilipino,

Sa pagtuklas ng kagandahan sa bansang kinalugdan mo,

Ang mahal nating bayan , ang Pilipinas!